काव्य गोष्ठी के मानसून में भईल भोजपुरी कवितवन के खूबे बौछार

7/1/2025 4:24:39 PM IST

कोयलांचल लाइव डेस्क, Koylachal Live News Team

Dhanbad : भोजपुरी सरधा मंच के राष्ट्रीय काव्य गोष्ठी कालहू रात 8 बजे ले संपन्न भईल, जेह मे भोजपुरी के बरसात पअ आ आपरेशन सिंदूर पअ आ देश भक्ति पअ खुबे दमदार कवि कुलही लोग आपन जलवा बिखरनी जा। भोजपुरी गोष्ठी के अध्यक्षता कईलें भोजपुरी के बुजुर्ग कवि अवकाश प्राप्त प्राचार्य पं. जगदीश नारायण ओझा। आ मुख्य अतिथि रहलें वरिष्ठ पत्रकार उमेश तिवारी आ विशेष अतिथि रहनी हअ डॉ नीरा प्रसाद। खूब बढियाँ संचालन कईलें संस्था के राष्ट्रीय उपाध्यक्ष आ प्रवक्ता भा कहीं भोजपुरी के विद्वान कवि प्रो.(डॉ ) शैलेश सिंह ' शौर्य '। मुख्य अतिथि कहनी की हमनी के जौन भोजपुरी भाषा बा एहि तरी आगे बढ़ावे के बडुवे आ अब हम कुलह प्रेस आ समाचार पत्र मे भोजपुरिये मे छापे के प्रयास करब। एह अवसर पअ संस्था के संस्थापक आचार्य संजय सिंह ' चंदन' आ संस्था अध्यक्ष प्रमिला श्री तिवारी आ संस्था के महासचिव संतोष ओझा प्रभाकर जी भी रहलें आ खूब बढियाँ दोहा, गीत आ गवनई कईलें जा। विशेष कवि मे डॉ नीरा प्रसाद, राघव पांडेय, सरिता पांडेय, नीरजा पप्पी, सुमन मिश्रा, डॉ. रत्ना वर्मा ' राज' जी के खूब सराहल गईल। अंतिम मे पंडित जगदीश नारायण ओझा जी सबके आभार व्यक्त कइनी आ आशीर्वाद दिहानि।

उमेश तिवारी कोयलांचल लाइव डेस्क